रोज...

रोज सूर्य का मावळतो ?
रोज संध्याकाळ का होते ?
रोज मनी काळोख का दाटतो ?
का मला रोज तू आठवतेस.....?

का रोज मी तुझ्यात हरवतो ?
रोज मी परत तुझ्यातच का सापडतो ?
रोज रात्र तुझ्या सोबत का जागवतो ?
रोज पहाटे तला शोधात दिशा का चाचपडतो ?
रोज देवाकडे तुला का मागतो ?
रोज देव माझे सर्व काही एकूण घेतो ?
आणि तरीही का ऐकूनही मग न ऐकल्यासारखा वागतो ?

रोज इवसाभर भान हरपून मी वावरतो ?
रोज पुन्हा मी का सावरतो ?
मग रोज मी स्वतहाचीच समजूत का काढतो ?
आणि जेव्हा असे वाटते मनाला सारे पटले,
तेव्हा मग,
.
.
रोज सूर्य मावळतोच ,
रोज संध्याकाळ होतेच,
आणि मग मला तू आठवतेस.....रोज....

उशिरा उशिरा....

मन ओतले समोरी तुझ्या,तुझी ओंझळहि खुलली पण उशिरा उशिरा,
सताड खुले माझे मन पाझरले थेंब दोन,तू पुसलेहि डोळे पण उशिरा उशिरा....

एकले तू सारे,मन माझे कळलेही तुज ,पण उशिरा उशिरा,
बेभान स्वप्ने माझी,हरवलेली सूद, आले भानावर, पण उशिरा उशिरा....

आता राती सोबती,चंद्रही जागा राही,निजतात डोळे,आठवणी जाग्या राही,उशिरा उशिरा,
नभी तांबड फुलते,राती वाट हरवलेले पाखरू पुन्हा घर शोधी, दिशा फसव्या,पण सोबतीही त्याच,
वाट सापडे,पण घरटे हरवी,का होते सारे काही,उशिरा उशिरा....

You & i...

When I saw you, I came to know what exactly god looks like.
When I hear you, I came to know what exactly destiny sounds like.
When I feel you, I came to know what exactly I was missing in my life.

I saw in you, my god,
My destiny,
My life,
& My love.


Please dont go away from my life.

कधी कधी

कधी कधी तुझी वाट पाहताना,
कधी कधी तुला आठवताना,
कधी तुझे स्वप्ने पहाताना,

तू मला पहावे,एवढ्या साठी कोठे तरी तुझ्या मनात मला लपून रहावेसे वाटते......

माझी तू -१

हातात हात घेऊन चंद्राचा पाठलाग करू,
चंद्र गाठल्यावर,तेथे एक स्वप्नांचे घर बांधू,
त्यात फक्त तू आणि मी,
आणि नको आणखीन कोणी....

-----------------------------------------------------------------------------------
तुला मी माझ्या डोळ्यात ठेवले जपून,
माघारी तुझ्या मी पहातो डोळे मिटून,
आवाज तुझा सदा कानात रेंगाळत असतो,
जणू देवळात पहाते मंद आवाजात देवाची प्रार्थना होत असते,
तुला जेव्हा हसताना मी पहातो,
वाटते तेव्हा जणू देवच माझे मागणे पुरे करत असतो........

मला परत लहान होता येईल का?

कंबरेच्या करदोऱ्याने हाल्फ चड्डी टाईट करून,
डोक्यावरली टोपी तिरकी करून,
खांद्यावर बॅट घेऊन,
सकाळी खेळताना लागलेली जखम लपवून,
दुपारी परत आईची नजर चुकवून,
परत मैदानात खेळता येईल का?
मला परत लहान होता येईल का?

घड्याळाची काळजी सोडून,
तहान-भूक विसरून,तास्-न-तास् खेळून,
घरी परतताना मित्राशी भांडून,
पुन्हा दुसऱ्या दिवशी त्याला खिडकीतून हाक मारून,
खेळायला बोलावता येईल का?
मला परत लहान होता येईल का?

गृहपाठ विसरून,वर्गपाठाची वही हरवून,
पहिल्या बाकावरून उठून,
हळूच शेवटच्या बाकावर लपून,
शेजारच्या मित्राला शिक्षा झालेली बघून,
मधल्या सुट्टीत,चिडवता-चिडवता डब्बा खाता येईल का?
मला परत लहान होता येईल का?

शेजारची मुलगी जाताना पाहून,
मित्रांची नजर चुकवून,
तिला हात दाखवून,पण तिने लक्ष दिले नाही म्हणून,
मित्रांच्या गर्दीत तिला परत विसरवता येईल का?
मला परत लहान होता येईल का?

आवडती भाजी नाही म्हणून,
आईने दिलेला डब्बा मुद्दामच घरी विसरून,
दुपारी शाळेच्या गेट बाहेर जाऊन,
ठोसर काकाच्या वडापाव हादडून,
परतताना पेप्सी चोकाता येईल का?
मला परत लहान होता येईल का?

एका दिवसा साठी तरी,
ऑफिसचे कपडे सोडून,
पुन्हा मळलेली पेंट,आणि बटन तुटलेले शहरात घालून,
शाळेत जाता येईल का?
Mr .भंडारे विसरून,मला परत,
मित्रांचा निल्या होता येईल का?
मला परत लहान होता येईल का?

विरह...

प्रत्येकाला नको असणारा विरह,
कोणाचे तरी होऊन,दुरावल्या नंतरचा विरह,
किंवा कोणाचे तरी होता येत नाही म्हणून विरह,
तुझ्या मनात मी नाही म्हणून माझा विरह,
तू कोणाच्यातरी मनात नाहीस म्हणून तुझा विरह,
....
पण माझे तर या विराहावरही प्रेम आहे,
कारण हा विरहाच आपल्यात एक नाते जोडतो,
आणि आपल्याला कोठे तरी एक करतो हा विरह...